Дваесет и првиот индекс на рационалност е изработен за следниве пет видови услуги: Набавка на лиценца за Microsoft 365 Business Standard; Изнајмување фотокопирни апарати; Набавка на хируршки конци; Набавка на услуга за собирање, транспорт и уништување медицински отпад и Набавка на натриум хипохлорид во гасна агрегатна состојба.
Дваесеттиот индекс на рационалност е изработен за следниве услуги: - Заловување кучиња, транспорт до прифатилиште или амбуланта и враќање во реонот;- Еднодневен престој на куче во прифатилиште;- Лабораториско испитување на лајшманија;- Стерилизација (кастрација) на машки кучиња и - Стерилизација (овариохистероктомија) на женски кучиња. Во изработката на Индексот на рационалност за овие услуги се вклучени 28 институции на локално ниво кои во текот на 2022 година имале ваков вид на набавка. Целта е, со изработка на индексот на овие пет вида услуги, да се детектираат евентуалните разлики во цените и да им се помогне на договорните органи да ги осознаат движењата на цените за овие производи и во иднина да работат врз подобрување на рационалноста во трошењето на јавните пари.
Индексот на рационаност 19 е изработен за следниве производи: прочистувачи на воздух; лаптоп компјутери и индустриска сол.
Индекс на рационалност 18 е изработен за следниве производи: училишни интерактивни табли; пeлети со топлинска моќност од минимум 4,6 kwh/kg и пелети со топлинска моќност од 4,9 до 5,3 kwh/kg и хартија за печатење.
Седумнаесеттиот индекс на рационалност е изработен за: летни работни униформи; зимски работни униформи; работни обувки-кломпи; одржување хигиeна во внатрешни работни површини и системи за инфузија Во изработката на индексот на рационалност за овие производи и услуги беа вклучени институции на национално и на локално ниво коишто имале ваков вид набавка во 2016 и во 2017 година. Во изработката на индексот на рационалност беа вклучени 48 институции на национално и на локално ниво, коишто за набавките спровеле 53 тендери.
Шеснаесеттиот индекс на рационалност е изработен за: електрична енергија; миење патнички возила; писмен превод; ангажирање агенција за привремени вработувања и поставување бехатон-плочки. Во изработката на индексот на рационалност за овие производи и услуги беа вклучени институции на национално и на локално ниво коишто имале ваков вид набавка во 2015 и во 2016 година.Во изработката на индексот на рационалност беа вклучени 48 институции на национално и на локално ниво коишто за набавките спровеле 55 тендери.
Петнаесеттиот индекс на рационалност е изработен за: индустриска сол (рефус и пакувана во вреќи), клима-уреди, хартија за печатење и фотокопирање, масло за горење - екстра лесно ЕЛ 1 и РТГ - филмови за рендген-снимки. Во изработката на индексот на рационалност за овие производи и услуги беа вклучени институции на национално ина локално ниво што имале ваков видна набавки во 2015 и во 2016 година.Во изработката на индексот на рационалност беа вклучени 95 институции коишто за набавките на овие стоки иуслуги спровеле 101 тендер.
Четиринаесеттиот индекс на рационалност е изработен за: метални архивски ормани, јаглен, училишни столчиња, заштитни гумени чизми и чистење речни корита. Во изработката на индексот на рационалност за овие производи и услуги беа вклучени институции на национално и на локално ниво кои имале ваков вид на набавка во 2014 и 2015 година.Во изработката на индексот на рационалност беа вклучени 70 институции, кои за набавките на овие стоки и услуги спровеле 74 тендери.
Тринаесеттиот индекс на рационалност е изработен за: авионска дезинсекција на комарци, систем за електронска евиденција на работното време, контејнери за отпад, собирање, транспoрт и уништување на медицински отпад и пилешки стек. Во изработката на индексот на рационалност за овие производи и услуги беа вклучени институции на национално и на локално ниво кои имале ваков вид на набавка во 2013, 2014 и 2015 година. Во изработката на индексот на рационалност иницијално беа вклучени 67 тендери спроведени од институции на национално и на локално ниво. Но, од објективни или субјективни причини наведени детално во анализата, крајно, индексот е изработен врз основа на податоците за цените на производите и услугите постигнати во 42 тендерски постапки од страна на 40 институции.
Дванаесетиот индекс на рационалност е изработен за: вертикална сообраќајна сигнализација (сообраќајни знаци); хоризонтална сообраќајна сигнализација (обележување улици); фискални апарати; надворешни камери за видеонадзор и финансиска ревизија. Во изработката на индексот на рационалност за овие производи и услуги беа вклучени институции на национално и на локално ниво кои имале ваков вид на набавка во 2013 и 2014 година. Во изработката на индексот на рационалност иницијално беа вклучени 70 институции на национално и на локално ниво. Но од објективни или субјективни причини наведени детално во анализата, крајно, индексот е изработен врз основа на податоците за цените на производите и услугите постигнати во 36 тендерски постапки од страна на 34 институции.
