Ова е седми по ред Извештај за споредбена проценка на состојбите во јавните набавки на земјите од Западен Балкан, изработен од коалицијата на граѓански организации за борба против корупцијата во јавните набавки, Балкан Тендер Воч.
Скопје, 1 март 2024 година: Центарот за граѓански комуникации објавува повик за истражувачки стории во рамките на проектот „Заштита од корупција“ што се спроведува со финансиска поддршка од Амбасадата на Кралството Холандија во Република Северна Македонија. Во рамките на овој повик 3 новинари од локални медиуми од општините Битола, Кичево и Неготино ќе бидат избрани да работат на истражувачки стории кои треба да бидат насочени кон прашањата поврзани со транспарентноста, отчетноста и интегритетот на локалните власти, како и на проблемите предизвикани од корупцијата. Областите за истражување може да бидат - јавните набавки, доделувањето на градежни дозволи, продажбата на градежно земјиште, користењето на спортските објекти, доделувањето средства од буџетот на општините, транспарентност во работењето на локалните институции, работењето на локалните јавни претпријатија итн.
ЗАСТАРЕНИ ГУП-ови, ЧЕСТО МЕНУВАЊЕ ДУП-ови И ГОЛЕМ БРОЈ ДИВОГРАДБИ Денес, 29 февруари 2024 година, Центарот за граѓански комуникации го објави истражувањето Застарени ГУП-ови, често менување ДУП-ови и голем број дивоградби кое открива дека доминантен дел од општините имаат генерални урбанистички планови (ГУП) чија формална важност е истечена. За разлика од застарените ГУП-ови, во општините што беа предмет на ова истражување, за пет години се донесени многу ДУП-ови и направени се многу нивни измени. Поконкретно, истражувањето ги покажа следниве клучни наоди: Наспроти законски предвидениот плански период од 10 години, во дел од општините ГУП-от не е сменет и по повеќе од 20 години. Ненавременото ажурирање и изготвување нови ГУП-ови создава ризик од непланско управување со градежното земјиште и од загрозување на јавниот интерес и квалитетот на животот.
СКОПЈАНИ СО НАЈГОЛЕМИ, А КРУШЕВЧАНИ СО НАЈМАЛИ МОЖНОСТИ ЗА ЗДРАВСТВЕНА ЗАШТИТА ВО ЗЕМЈАВА Денес, 5 февруари 2024 година, Центарот за граѓански комуникации го објави истражувањето за степенот на здравствена заштита на жителите во 30-те здравствени центри во земјава. Истражувањето покажа дека: » Највисоки можности за здравствена заштита имаат жителите на главниот град Скопје, додека најмалку можности за соодветна здравствена заштита имаат жителите на Крушево. » Има огромни разлики во можностите, односно степенот на здравствена заштита што можат да ја добијат жителите на 30-те градови во земјава. » Подобро стојат големите, а полошо помалите градови. Но, меѓу големите градови најлошо стојат Кичево и Кочани, а меѓу малите градови најдобро стојат Виница и Делчево. » Покрај Скопје, на врвот на листата се и Битола и Штип, додека на дното, покрај Крушево се и Македонски Брод, Валандово и Крива Паланка.
НА ЗЕМЈАВА Ѝ НЕДОСТИГААТ 52 ТИМОВИ ЗА ИТНА МЕДИЦИНСКА ПОМОШ, ЗА ДА СЕ ЗАДОВОЛИ ЗАКОНСКИОТ МИНИМУМ Денес, 25 декември 2023 година, Центарот за граѓански комуникации го објави истражувањето за капацитетите на итната медицинска помош во земјава. Истражувањето покажа дека: » Во земјава вкупно недостигаат 52 екипи за итна медицинска помош за да може да се задоволи барем законски пропишаниот минимум на тимови што треба да ги има еден медицински центар во зависност од бројот на жители што ги опфаќа.
Денес, 20 декември 2023 година, Центарот за граѓански комуникации го објави истражувањето - Трошки за здруженија на граѓани во општинските буџети. Истражувањето открива дека општините, преку буџетската ставка 463 – наречена „Трансфери до невладини организации“ во 2022 година доделиле 6,6 милиони евра. Притоа, над 90 % од парите се доделени на спортските клубови, кои се миленици на локалните власти и кои, во одредени општини, добивале и по еден милион евра годишно. Поконкретно, истражувањето ги покажа следниве клучни наоди:
ТРОШКИ ЗА ЗДРУЖЕНИЈАТА НА ГРАЃАНИ ВО ОПШТИНСКИТЕ БУЏЕТИ Целта на ова истражување е да ги мапира карактеристиките на процесот на финансирање на невладините организации од буџетската линија 463, да се утврди нивото на транспарентност и отчетност на општините, да се согледаат проблемите и слабостите во процесот, како и да се дефинираат препораки за подобрување на веќе востановените практики. Водени од идејата дека застапувањето за потранспарентна и поефикасна поддршка на невладините организации од страна на општините ќе биде поефикасно доколку се базира врз детален приказ на актуелната состојба, ја втемеливме оваа анализа врз обработка на податоците за сите средства доделени од страна на единиците на локалната самоуправа за финансирање на невладини организации и за начинот на којшто е спроведен процесот во 8 општини, во секоја општина поединечно (Битола, Кичево, Куманово, Неготино, Струмица, Тетово, Штип и Чаир), чии средства доделени од буџетската ставка 463 изнесуваат третина од вкупно доделените средства од страна на сите ЕЛС во земјата. Ова истражување на Центарот за граѓански комуникации е реализирано во рамките на проектот „Заштита од корупција“,финансиран од Амбасадата на Кралството Холандија во Скопје.
Целта на овие истражувања беше да се детектираат областите што се најмногу погодени од енергетската и финансиската криза во 2022 година, односно сегментите каде што се направени најголемите кратења на буџетите (трошоците) за да можат да се покријат зголемените трошоци (плаќања) како резултат на кризите. Поконкретно, да се детектира како буџетските трошења на државата и на општините за 2022 год., кои се менуваа под влијание на економската криза (инфлација, стагнација и енергетска криза), се одразуваат врз граѓаните, преку мапирање на сегментите каде што има најголеми слабости и предлагање мерки што треба да овозможат трошењата да бидат во најдобар интерес на граѓаните. Истражувањата можат да се преземат со притискање на сликите или на следните линкови на македонски, албански и англиски јазик: Истражување на последиците од зголемените буџетски трошоци од кризата во 2022 година врз области кои влијаат врз животот на граѓаните (МК) (ALB) (EN) Истражување на последиците од зголемените буџетски трошоци на општините од кризата во 2022 година врз области кои влијаат врз животот на граѓаните (МК) (ALB) (EN) Проектот „Ефекти на финансиската и енергетската криза врз политиките и врз граѓаните“ е поддржан од Владата на Швајцарија преку Цивика мобилитас. Мислењата кои се изразени овде не нужно ги одразуваат ставовите на Швајцарската влада, Цивика мобилитас или организациите што ја спроведуваат.
ЗА ДА ГИ ПОКРИЈАТ ТРОШОЦИТЕ НА КРИЗАТА ВО 2022 ГОДИНА, ВЛАДАТА И ОПШТИНИТЕ СКРАТИЛЕ ОД ГРАЃАНИТЕ НАМЕСТО ПОРАЦИОНАЛНО ДА ГИ ТРОШАТ БУЏЕТСКИТЕ ПАРИ – ОТКАЖАНИ СЕ ВИТАЛНИ ПРОЕКТИ ВРЕДНИ 220 МИЛИОНИ ЕВРА Денес, 31 октомври 2023 година, Центарот за граѓански комуникации, Здружението на даночни советници и Активо ги објавија Истражувањата за последиците од зголемените буџетски трошоци од кризата во 2022 година врз области кои влијаат врз животот на граѓаните, и на национално и на општинско ниво. Клучните наоди од истражувањата вклучуваат:
ОПШТИНИТЕ И УЧИЛИШТАТА ГИ ДОДЕЛУВААТ НА КОРИСТЕЊЕ ОБЈЕКТИТЕ ЗА СПОРТ ВО НЕТРАНСПАРЕНТНИ ПОСТАПКИ Преземете го истражувањето на македонски, албански и англиски јазик со кликнување на соодветната слика: Денес, 13 септември 2023 година, Центарот за граѓански комуникации го објави истражувањето - Мапирање на состојбите со објектите за спорт во општините спроведено во: Битола, Кичево, Куманово, Неготино, Струмица, Тетово, Чаир и Штип. Истражувањето открива дека спортските објекти се издаваат на користење на нетранспарентен начин, голем дел од овие објекти имаат нерешен статус, не се користат доволно од локалното население за спорт и рекреација и се издаваат без надомест со што не генерираат приходи кои потоа би се вложувале во нивното редовно одржување и осовременување. Поконкретно, истражувањето ги покажа следниве клучни наоди:
