Анализа на еднаквоста на испорачаните здравствени услуги во различните ковид-центри
Analizë e barazisë së shërbimeve shëndetësore të ofruara në qendrat kovid të ndryshme
Целта на истражувањето беше да се испита дали на 1 пациент во различните ковид-центри во земјата му бил овозможен еднаков медицински третман, во смисла на клучни лекови и опрема. Понатаму, целта на истражувањето е наодите да се искористат како појдовна основа за да се извлечат препораки за промена на праксата и креирање политики и стратешки документи при евентуални идни слични кризи.
Постојат големи разлики помеѓу 28-те ковид-центри кои беа предмет на анализата во периодот од 1 октомври 2020 до 31 март 2021 година, како во однос на бројот на ангажираниот медицински персонал, потрошените лекови за третман на хоспитализираните пациенти, дадената кислородна поддршка, потрошените маски така и во однос на бројот на просечни денови на хоспитализација и стапката на смртност на пациенти.
Само пет ковид-центри овозможиле високо ниво на здравствени услуги според индикаторите на истражувањето во анализираниот период, 21 од центрите овозможиле просечно ниво на здравствени услуги и два овозможиле ниско ниво на здравствени услуги. Индикаторите врз основа на кои се проценуваа ковид-центрите во однос на овозможување на здравствените услуги на хоспитализираните пациенти се следните:
– денови на хоспитализација,
– починати пациенти,
– пациенти што добиле кислородна поддршка,
– количина на кислород по пациент,
– пациенти што добиле вентилаторна поддршка,
– бројност на медицински персонал,
– бројност на лекари,
– бројност на медицински сестри,
– количина на употребени лекови по пациент,
– употребени маски за кислородна поддршка